आइसीसी विश्व क्रिकेट लिग च्याम्पियनसिप अन्तर्गत पाचौं चरणको दोस्रो खेल किर्तिपुर मैदानमा जारि छ । टस जितेर फिल्डिंग रोजेको नेपालले तेस्रो सफलता हात पारेको छ । सन्दिप लामिछानेले केन्याका घातक ब्याट्सम्यान कोलीन्स ओबुयालाई आउट गरेका छन् । ओबुयाले ७८ बलमा ७ चौका सहित ४८ रन बनाएका थिए ।
यो समाचार तयार पार्दा सम्म केन्याले ३० ओभरको अन्त्यमा ४ विकेटको क्षतिमा १०७ रन जोडेको छ । शरद भेषवाकरले ३१ औ ओभरमा एक विकेट लिएका हुन् । उनले अर्का घातक ब्याट्सम्यान इरफान क्रिम लाई आउट गरेका हुन् । करिमले ३८ रन जोडेका थिए ।
अन्य २ विकेट भने यस अघि शनिबार भएको नेपाल र केन्याबीचको खेलमा बलीङको अवसर नपाएका महबुब आलमले लिए। उनले एकै ओभरमा २ विकेट लिएका हुन् ।
यस अघिको खेलमा हार बेहोरेको नेपाली टिम जित्ने पर्ने दबाबमा छ।
हेर्नुस लाइभ