एफए कप फुटबल प्रतियोगिता अन्तर्गतको क्वाटरफाइनलको अन्तिम खेल आज हुदै छ । सेमिफाइनल प्रवेशको लागि हुन् लागेको आजको खेलमा प्रिमियर लिगका दुई टोली चेल्सी र म्यानचेस्टर युनाईटेडबिच प्रतिस्पर्धा हुदै छ ।
युनाईटेड प्रतियोगिताको डिफेन्डिंग च्याम्पियन हो । युनाईटेडले सर्बाधिक १२ पटक यो प्रतियोगिताको उपाधि जितेको छ । आर्सनलले पनि समान १२ पटक यो उपाधि जितेको छ ।
आजको खेल चेल्सीको घरेलु मैदानमा नेपाली समय अनुसार राती १:३० बजे सुरु हुनेछ । खेल सोनीनेटवर्क ( ईएसपीएन ) मा हेर्न सकिने छ ।
आजको खेलमा युनाईटेडका स्ट्राइकर वायान रुनी चोटका कारण खेल्ने छैनन् भने इब्राहिमोविच पनि निलम्बनका कारण खेल्ने छैनन्। फरवार्ड एन्थोनी मार्शल र मार्कस रासफोर्ड पनि अस्वस्थ भएका कारण मैदान उत्रने छैनन् ।
चेल्सीसंग पनि पहिलो रोजाई कै खेलाडी उपलब्ध छन् ।
यस अघि एफए कपमा यी दुई टोली बिच ११ पटक प्रतिस्पर्धा भएकोमा युनाइटेडले ८ र चेल्सी ३ पटक बिजयी भएको थियो ।