सुशील कडेलको शानदार बलिंग संगै विराटनगर किंग्स धनगढी प्रिमियर लिगको फाइनलमा प्रवेश गरेको छ । आज भएको पहिलो क्वालिफायरमा रुपन्देही च्यालेन्जर्सलाई २९ रनलाई पराजित गरेको हो ।
टस जितेर पहिले ब्याटिंग गरेको विराटनगर किंग्सले निर्धारित २० ओभरमा ९ विकेटको क्षतिमा १ सय २८ रन जोड्यो । विराटनगरको लागि आशिफ शेखले सर्बाधिक ३६ तथा कप्तान शरद भेषवाकरले २४ रन जोडे । रुपन्देहीका लागि शक्ति गौचनले ३ तथा दिपेश श्रेष्ठले २ विकेट लिए ।
१२९ रन्को लक्ष्य लिएर मैदान उत्रेको रुपन्देहीले कम्जोर ब्याटिंग प्रदर्शन गर्दै ९९ रन मै अल आउट हुन् पुग्यो । रुपन्देहीको लागि पुष्प थापाले २२ तथा बिक्रम सोबले २३ रन बनाउनु बाहेक अन्य ब्याट्सम्यानले दोहोरो अंकको रन बटुल्न सकेनन ।
रुपन्देहीलाई सस्तैमा समेट्न सुशिल्कदेलले शानदार बालिग गरे । कडेलले ४ ओभरमा १ मेडन सहित केवल १५ रन खर्चेर ४ विकेट लिए । त्यस्तै सन्दिप लामिछानेले २ विकेट लिए ।
अब रुपन्देहिले फाइनल प्रवेशको लागि पुन अवसर पाउने छन् । रुपन्देहीले काठमाडौँ गोल्डेनस र धनगडी टिम सौराहाको बिजेतासंग फाइनल प्रबेशका लागि प्रतिस्पर्धा गर्ने छ ।