एएफसी अण्डर १६ च्याम्पियनसिप छनौट प्रतियोगितामा नेपाल र भारत एकै समुहमा परेका छन् । नेपाल समुह डीमा परेको हो । आज सार्बजनिक भएको ड्र अनुसार नेपाल रहेको समुहमा भारत संगै इराक र प्यालेसटाईन पनि छन् ।
४५ टोलीले सहभागी जनाउने यस छनौट प्रतियोगितामा १० समुह रहेका छन् । हरेक समुहका बिजेता र उत्कृष्ट ५ उपविजेताले एएफसी अण्डर १६ च्याम्पियनसिपको मुख्य प्रतियोगितामा सहभागिता जनाउन पाउने छन् ।
खेल १६ देखि २४ सेप्टेम्बरसम्म हुने छ । नेपाल समुहको हस्ट कन्ट्री भएकाले नेपालले सबै खेल नेपाल मै खेल्ने छ ।