प्रिमियर लिग फुटबल प्रतियोगिता अन्तर्गत आज बहु प्रतिक्षित म्यानचेस्टर डर्बी हुदै छ । शिर्ष क्लबहरु म्यानचेस्टर सिटी र म्यानचेस्टर युनाईटेडबीचको खेल नै म्यानचेस्टर डर्बी हो ।
हाल युनाईटेडका म्यानेजर मोरिन्हो छन् भने सिटीका म्यानेजर गार्डीओला छन् । यिनीहरु दुवै यहि सिजनमा क्लबमा आबद्द भएका हुन् ।
यी दुई बीच स्पेनको ला लिगा देखि नै कटुतापूर्ण सम्बन्ध रहेको देख्न सकिन्छ । रियल म्याड्रिड र बार्सिलोनाबीच उपाधि होड चलिरहँदा यी दुई नै ति क्लबका म्यानेजर थिए । गार्डीओलाले बार्सिलोना सम्हालेका थिए भने मोरिन्होले रियल म्याड्रिड ।
हाल अंक तालिकामा सिटी ६४ अंक सहित चौथो स्थानमा छ भने युनाईटेड ६३ अंक सहित पाचौ स्थानमा छ । आजको खेलले आगामी सिजनको च्याम्पियन्स लिगमा कुन टोली पुग्ने छ भन्ने कुराको पनि निर्धारण गर्न सक्छ । यहि कारण पनि आजको खेल म्यानेजरको लागि पनि प्रतिष्ठाको लडाईको रुपमा लिन सकिन्छ ।
आजको खेलको लागि सिटीकका डेभिड सिल्भा उपलब्ध छैनन् भने युनाइटेडका पल पोग्बा र इब्राहिमोबीच उपलब्ध छैनन् ।
खेल नेपाली समय अनुसार राती १२:४५ बजे सुरु हुनेछ । यस अघिको डर्बीमा सिटी २-१ ले बिजयी भएको थियो ।