खेलकुद क्षेत्रमा सर्बाधिक दर्शकहरुको ध्यान तान्ने खेल मध्येको एक हो भारत र पाकिस्तानबिचको क्रिकेट खेल । यी दुई टोलीबीचको खेलमा करोडौ खेलप्रेमीको ध्यान जान्छ । तर यी दुईबीच लामो समयदेखि द्पक्षीय खेल हुन् सकेको छैन ।
भारत र पाकिस्तानको क्रिकेट बोर्डले सन् २०१४ देखि २०२३ सम्मको अवधिमा ६ द्विपक्षीय सीरीज खेल्ने सम्झौता गरेको थियो । तर दुई देशबीचको तनाव तथा कटु सम्बन्धका कारण खेल हुन् सकिरहेको छैन । यस्तो अवस्थामा भने पाकिस्तानले सिरिज नखेल्दा आफ्नो देशको क्रिकेट बोर्ड पिसिबीलाई करोडौ घाटा भएको भन्दै भारतीय क्रिकेट बोर्डसंग क्षतिपूर्ति माग गरेको छ ।
एक पत्र पठाएर पिसिबीले आफुलाई खेल नहुदा झन्डै ७ करोड अमेरिकी डलर नोक्सान भएको भन्दै ४४७ करोड क्षतिपुर्ती माग गरेको हो । भारतले उक्त पत्र मई ३ मा प्राप्त गरेको हो । अब भारतले ७ दिन भित्र पाकिस्तानलाई जवाफ पठाउनु पर्छ ।