च्याम्पियन्स लिग फुटबल प्रतियोगिता अन्तर्गत आज दोस्रो सेमिफाइनलको दोस्रो लेगको खेल हुदै छ । आजको खेलमा गत सिजनका दुई फाइनालिस्ट रियल म्याड्रिड र एथलेटिको म्याड्रिड भिड्दै छन् ।
एथलेटिको म्याड्रिडको घरेलु मैदानमा हुने खेल नेपाली समय अनुसार रति १२:३० बजे सुरु हुनेछ । पहिलो लेगको खेलमा रियल म्याड्रिडले एथलेटिको म्याड्रिडलाई ३-० गोल अन्तरले पराजित गरेको थियो । पहिलो लेगमा ३ गोलको अग्रता लिएकै कारण रियलको फाइनल पुग्ने सम्भावना बलियो रहेको छ ।
च्याम्पियन्स लिगमा यी दुई टोली ८ पटक आमने सामने भएका छन् । जस मध्ये रियलले ५ खेल जितेको छ भने एथलेटिकोले १ खेल मात्र जितेको छ । एक खेल भने बराबरी भएको थियो ।
ला लिगामा भने यी दुई टोली १६० पटक भिडेका छन् । जस मध्ये रियलले ८६, एथलेटिकोले ३९ खेल जितेको छ भने बाँकी ३५ खेल बराबरीमा टुंगिए ।
गत सिजनको फाइनलमा रियल म्याड्रिडले एथलेटिको म्याड्रिडलाई पेनाल्टीमा ५-४ ले पराजित गरेर उपाधि जितेको थियो ।
रियल ११ उपाधि सहित प्रतियोगिताको सर्बाधिक सफल टोली हो ।