नेपालमा हुन लागेको एसियन प्रिमियर लिग ट्वेन्टी–ट्वेन्टी क्रिकेट प्रतियोगिताको आधिकारिताबारे अनेकौ प्रश्नहरु उब्जिरहेको बेला राष्ट्रिय खेलकुद परिषदका सदस्य सचिव केशव कुमार बिष्टले यसबारे अनाबश्यक चासो नराख्न आग्रह गरेका छन् । उनले यस प्रतियोगिताले नेपाललाई फाइदा नै फाइदा हुने बताउदै प्रतियोगिताबारे अनावश्यक चासो राखेर प्रतियोगिता असफल पार्न तिर लाग्न नहुने बताएका हुन् ।
प्रस्तुत छ यसै बिषयमा आधारित रहेर बिजपाटीले सदस्य सचिव केशव कुमार बिष्टसंग गरेको छोटो कुराकानी ।
एसियन प्रिमियर लिगलाई आईसीसी/एसीसीले अनुमति दिएको छ कि छैन ?
-आईसीसी/एसीसीको अनुमति किन चाहियो ? खेल नेपालमा हुदैछ, अनुमति चै बिदेशीको लिनु पर्ने ? कसले भन्यो आईसीसी/एसीसीको अनुमति लिनु पर्छ भनेर ? आईसीसी/एसीसीको अनुमति लिनु पर्छ भने भ्रम फैलाईएको छ । त्यो गलत हो । खेल नेपालमा हुन लागेको छ । अनुमति दिने निकाय राखेप हो । यसमा राखेपले अनुमति दिएको छ ।
आईसीसी/एसीसीको अनुमति बिना प्रतियोगिता गर्न मिल्छ र ?
-यस बिषयमा धेरै चासो नाराखौ । प्रतियोगिताले नेपाललाई हुने फाइदा हेर्नु पर्छ । ठुलो मात्रामा लगानी नेपाल आउदै छ । यस प्रतियोगिताबाट नेपालको ग्राहस्थ उत्पादनमा वृद्धिदेखि लिएर अनेकै फाइदा छ । हामीलाई धेरै टाउको दुखाउनु छैन । अनाबश्यक चासो राखेर प्रतियोगिता असफल पार्न तिर नलागौ । हामी (राखेप)ले मैदान भाडामा दिन लागेका हौ, यसको लागि आयोजकबीच सम्झौता भएको छ । पत्रकारसाथीहरुले अरु चासो नाराखौ ।
नेपाली राष्ट्रिय क्रिकेट टोलीका प्रशिक्षक जगत टमाटाले आईसीसीले अनुमति नदिएसम्म नेपाली क्रिकेटरहरुले खेल्न नमिल्ने बताउनु भएको छ नि त् ?
-यस बिषयमा जगत टमाटा को हो ? नेपालको राष्ट्रिय टोलीले प्रतियोगिता खेल्न लागेको होइन। नेपालले प्रतियोगिता गरेको पनि हैन । यहाँ प्रशिक्षकको कुनै पनि सम्बन्ध छैन । जगत टमाटा पनि राखेपको एक जना कर्मचारी हो । कर्मचारीले आफ्नो मर्यादामा रहनु पर्छ ।
त्यसो भए नेपाली खेलाडी खेल्छन कि खेल्दैनन ?
खेल्न मन लागे खेल्छन, मन नलागे खेल्दैनन । जबर्जस्ती गर्ने कुरा हुदैन । आज बेलुका अक्सन छ , कुन टिममा को को छन्, कसले कसले खेल्छ, सबै कुरा अक्सनमा नै थाहा हुन्छ ।
बिगतमा पनि अन्तराष्ट्रिय स्तरमा यस्तै प्रकृतिका प्रतियोगिता हुँदा आईसीसीको अनुमति नलिएकै कारण खेलाडी प्रतिबन्ध भएका थिए नि ? अहिले पनि त्यस्तो अवस्था आउँन सक्छ नि ?
जुन जुन खेलाडीलाई आफु प्रतिबन्धमा परिएला भन्ने डर लागेको छ, उनीहरुले प्रतियोगिता नखेल्ने । कारबाही होला भन्ने डर भए प्रतियोगिता नखेल्दा हुन्छ ।
यो पनि :