यू- १९ बिश्वकप छनौट प्रतियोगितामा नेपालले पहिलो हार बेहोरेको छ। नेपालले आज अफगानिस्तानसंग हार बेहोरेको हो । नेपालले आज खराब प्रदर्शन गर्दै १४१ रनले पराजित भएको हो ।
टस जितेर पहिले फिल्डिंग रोजेको नेपालले अफगानिस्तानलाई ४९.४ ओभरमा १९० रनमा अल आउट गर्न सफल भएको थियो । नेपालको लागि कप्तान सन्दिप लामिछाने र पवन शरफले समान २ विकेट, किशोर महत र दिपेन्द्र सिंह एरीले समान १-१ विकेट र शाहव अलामले ३ विकेट लिए ।
अफगानिस्तानका लागि इब्राहिम जाद्रिनले सर्बाधिक ४३ रन बनाए ।
१९१ रन्को लक्ष्य लिएर मैदान उत्रेको नेपालले खराब प्रदर्शन गर्दै २६ ओभरमा केवल ४९ रन जोडेर अल आउट भयो । नेपालका पवन सरफले सर्बाधिक २६ रन बनाउनु बाहेक अन्य खेलाडीले दोहोरो अंकको रन बटुल्न सकेनन । सन्दिप लामिछाने, अनिल शाह, रोहित कुमार पौडेल र प्रनित थापा मगर शुन्य रन मै आउट भए ।
नेपालको इनिंग धरासायी पार्न अफगानिस्तानका नविन उल हकले ह्याट्रिक सहित ४ विकेट तथा मुजिब जाद्रनले ४ विकेट लिए ।
हार संगै नेपालको यु १९ बिश्वकमा छनौट हुने सम्भावना न्यून भएको छ । प्रतियोगितामा नेपाल सहित, अफगानिस्तान, मलेशिया र सिंगापुर सहभागी छन् । डबल राउण्ड रोबिन लिग आधारणमा हुने यस प्रतियोगोगितामा सबै टिमले आपसमा दुई-दुई खेल खेल्नेछन्। समुहमा शिर्ष स्थानमा रहने टोलीले मुख्य प्रतियोगितामा भाग लिन पाउने छ ।