यू- १९ बिश्वकप छनौट प्रतियोगिता अन्तर्गतको आफ्नो अन्तिम खेलमा नेपालले १९६ रन्को बिजयी लक्ष्य पाएको छ । पहिले टस जितेर ब्याटिंग गरेको अफगानिस्तानले ४६.५ ओभरमा सबै विकेट गुमाउदै १९५ रन जोडेपछि नेपालले १९६ रन्को लक्ष पाएको हो ।
अफगानिस्तानलाई अल आउट गर्ने क्रममा नेपालका लागि शाहव आलमले सर्बाधिक ४ विकेट, दिपेन्द्र सिंह एरिले ३ विकेट तथा सन्दिप लामिछाने र रोहित कुमार पौडेलले समान १-१ विकेट लिए ।
अफगानिस्तानका लागि इब्राहिम जादरानले शतकीय पारी खेल्दै ११४ बलमा ७ चौका र ५ छक्काको मदतमा १०१ रन बनाए । ४४ औ ओभरको समाप्तिमा ६ विकेट गुमाएर १९० रनको अवस्थामा रहेको अफगानिस्तानको पारीलाई धक्का दिन ४५ औ ओभरमा आलमले ३ विकेट लिए ।
अफगानिस्तानले यस अघिका सबै खेल जितेको छ भने नेपालले अफगानिस्तान बाहेकको सबै खेल जितेको छ । नेट रन रेटको आधरममा अफगानिस्तान धेरै अगाडी भएकाले बिस्वकपमा छनौट हुनको लागि नेपालले यो खेल भारी अन्तरले जित्नु पर्ने हुन्छ । १० ओभर अगावै खेल जितेको खण्डमा मात्र नेपाल बिश्वकपमा छनौट हुन् सक्छ ।
प्रतियोगितामा नेपाल सहित, अफगानिस्तान, मलेशिया र सिंगापुर सहभागी छन् । डबल राउण्ड रोबिन लिग आधारणमा हुने यस प्रतियोगोगितामा सबै टिमले आपसमा दुई-दुई खेल खेल्नेछन्। समुहमा शिर्ष स्थानमा रहने टोलीले मुख्य प्रतियोगितामा भाग लिन पाउने छ ।