यू–१५ साफ च्याम्पियनसिपको उपाधि भारतले जितेको छ । आज भएको फाइनल खेलमा भारतले नेपाललाई पराजित गर्दै उपाधि हात पारेको हो ।
पहिलो हाफमा नेपालले १ गोलले अग्रता लिएको भए पनि दोस्रो हाफमा भारतले नतिजा उल्टाएको हो । सातदोबाटोस्थित एन्फा कम्प्लेक्समा नेपालले भारतमाथि नेपालले ४० औँ मिनेटमा पहिलो गोल गर्दै अग्रता लिएको भए पनि जित आफ्नो पक्षमा रोक्न सकेन । भारतीय खेलाडीले डिबक्समा नेपाली रन्जन पुनलाई लडाएपछि नेपालले पेनाल्टी पाएको थियो। उक्त पेनाल्टीमा बृजेश चौधरीले गोल गरेका थिए।
भारतका लागि लालरोकिमा र कप्तान विक्रमप्रताप सिंहले गोल गरेका हुन्। लालरोकिमाले ५९औं मिनेटमा गोल फर्काएर बराबरी गरे भने कप्तान सिंहले ७४औं मिनेटमा गोल गर्दै जित दिलाएका हुन्।