नेपाल दुरसंचार प्राधिकरणले पहिलो पटक बोलकबोल मार्फत बिक्रि गरेको फ्रिक्वेन्सी एनसेलले पाएको छ। प्राधिकरणले लिलाममा राखेको ९००, १८०० र २१०० ब्याण्डको फ्रिक्वेन्सी मध्ये एनसेलले नेपाल टेलिकमलाई उछिन्दै १८०० ब्याडको फ्रिक्वेन्सी पाएको हो।
एनसेलले प्रति मेगाहर्ज ५ करोड ८० लाख रुपैयाँका दरले फ्रिक्वेन्सी बोलकबोल बढाबढ मार्फत लिएको हो। एनसेलसँग अहिले ११ सय ब्याण्ड छ। अब उसले अरु ७ सय थप पाउने छ।
१८०० ब्याण्डको कुल ७५ मेगाहर्जमध्ये टेलिकमले १५, एनसेलले ११, युटीएल र स्मार्ट टेलिकमले १२/१२ र नेपाल स्याटलाइटले ९ मेगाहर्ज फ्रिक्विन्सी प्रयोग गरिरहेका छन्। १८०० ब्याण्डमध्ये अब १६ मेगाहर्ज फ्रिक्वेन्सी बाँकी छ।