नेपाल टेलिकमले मोबाइल सेवाको सिष्टम अपग्रेड गरेको छ । सिस्टम अपग्रेड गरेसंगै अब ग्राहकको डाटा स्पिड बढ्ने र उच्च गतिमा डाटा सेवा सहजरुपमा प्रयोग गर्न सकिने टेलिकमले जनाएको छ ।
अपग्रेडसंगै टेलिकममा अलर्ट सेवा समेत सुरु भएको छ । टेलिकका अनुसार डाटा चलाउदै गर्दा प्याकेजको रकम ८० प्रतिशत सकिएमा र सबै प्याकेज सकिनै लागेमा सेवाग्राहीले अलर्ट मेसेज प्राप्त गर्नेछन् ।
कम्पनीले डाटा सेवाका लागि यस अघि पीसीआरएफ (PCRF-Policy and Charging Rules Function) सिष्टम प्रयोग गर्ने गरेको थियो । अब भने टेलिकमले जिएसएम प्रविधि अन्तर्गतको वायरलेस डाटा सेवाका लागि क्षमता पर्याप्त नभएकाले नयाँ पिसिआरएफ सिस्टम जडान गरेको हो ।
यसबाट जीएसएम टुजी÷थ्रीजी÷फोरजी अन्तर्गतका डाटा सेवा थप प्रभावकारी र आकर्षक हुने कम्पनीको विश्वास छ ।