निजि क्षेत्रको दूरसञ्चार सेवा प्रदायक कम्पनी एनसेलले साढे ४ अर्ब बढी कर तिरेको छ । कम्पनीले आफ्नो सेयर स्वामित्व खरिद बिक्री वापतको ४ अर्ब ६० करोड रुपैयाँ पुँजीगत लाभकर तिरेको हो । कम्पनीले मंगलबार ठूला करदाता कार्यालयमा उक्त कर तिरेको हो ।
एनसेलले तिर्नु पर्ने कर कुल २२ अर्ब ४५ करोड रुपैयाँ निर्धारण भएको थियो । कम्पनीले यस अघि नै चार अर्ब ५० करोड रुपैयाँ कर तिरेकोमा अब १४ अर्ब ४० करोड तिर्न बाँकी छ ।