नेपाल टेलिकमको संदेश डेढ दर्जन भाषामा

बिजपाटी सम्बाददाता

बिजपाटी सम्बाददाता

Oct 20, 2020 | 07:08:55 PM मा प्रकाशित

नेपाल टेलिकम Nepal Doorsanchar Company  ले आफ्ना कम्पनीका संदेशहरु विभिन्न भाषामा प्रस्रण गरिरहेको जनाएको छ । टेलिकमले देशका विभिन्न स्थानमा छरिएर रहेका फरक फरक मातृभाषा बोल्ने सेवाग्राहीहरुलाई लक्षित गरी कम्पनीका सेवाका बारेमा उनीहरुको मातृभाषा मै जानकारी प्रदान गर्दै आइरहेको जनाएको हो ।

टेलिकमका अनुसार हल राई बान्तवा, लिम्बु, पूर्वेली थारु, मैथिली, भोजपुरी, मगही, तामाङ, शेर्पा, उर्दु, नेपाल (नेवारी), गुरुङ, मगर, अवधि, पश्चिमा थारु, खाम मगर, डोटेली र राना थारु भाषामा विभिन्न सन्देश प्रसारण भइरहेका छन् । कम्पनीले उपलब्ध गराइरहेका सेवा सुविधाहरुको विस्तृत विवरण विभिन्न भाषाभाषी, जातजाती तथा समुदायसम्म पु¥याउने उद्देश्यले तिनै स्थानीय भाषामा कम्पनीले जानकारी प्रदान गरिरहेको जनाएको हो ।  

यस कार्यका लागि टेलिकमले रेडियो नेपालसँग व्यावसायिक सहकार्य गरेको छ । विभिन्न बोल भएका फरक फरक सन्देशहरु झण्डै डेढ दर्जन भाषामा रेडियो नेपाल केन्द्रीय प्रसारण केन्द्र सिंहदरबार तथा प्रादेशिक प्रसारण केन्द्रहरु धनकुटा, बर्दिबास, काठमाडौं, पोखरा, दाङ र दिपायल मार्फत प्रसारण भइरहेको टेलिकमले जनाएको हो । 

 यी सन्देशमा नेपाल टेलिकमले प्रदान गरेका विभिन्न डाटा र भ्वाइस लगायतका सेवाहरु र तिनको प्रयोग गर्ने तरिका बारेमा जानकारी प्रदान हुन्छ। 


Share Your Thoughts

Recent News

Main News

TRENDING

Close in 7


Bizpati.com © 2020. All Rights Reserved