जगदम्बा सिमेन्ट कम्पनीले भर्टिकल रोलेल मिल्स (भिआरएम) प्रविधिबाट उत्पादन सुरु गरेको छ ।
जगदम्बाले उत्पादनलाई थप गुणस्तरिय बनाउने उद्धेश्यले यूरोपियन कम्पनी ‘एफएलएसमिथ’ को भर्टिकल रोलेल मिल्स (भिआरएम) जडान गरी उत्पादन सुरु गरेको हो । हाल दैनिक ४५ हजार बोरा सिमेन्ट उत्पादन गर्दै आएको कम्पनीले भिआरएम प्रविधि जडान गरेपछि दोब्बर उत्पादन हुने जनाएको छ ।
दैनिक ८० हजार बोरा उत्पादन गर्ने लक्ष्य लिएर भिआरएम प्रविधि जडान गरेको कम्पनीले आफ्नो तेस्रो उद्योग नेपाल जगदम्बा सिमेन्टबाट पनि सोही प्रविधि मार्फत चाडै उत्पादन शुरु गर्ने बताएको छ । तेस्रो उद्योग संचालन गरेपछि कम्पनीले दैनिक १ लाख १० हजार बोरा सिमेन्ट उत्पादन गर्ने जगदम्बाले जनाएको छ ।