सरकारले फेसबुक बन्द हुन लागेको संदेश प्रति आफ्नो गम्भीर ध्यानकर्षण भएको जनाएको छ । शनिवार सामाजिक सञ्जालमा सूचना तथा सञ्चार मन्त्रालयको गलत नाम लेखिएको एक पत्र राखी फेसबुक लगायतका सामाजिक संजाल बन्द हुन् लागेको भन्दै अफवाह फैलिएको थियो ।
संचार तथा सूचना प्रविधि मन्त्रालयले त्यस्तो कुनै सूचना जारि नभएको र यस्तो गलत सुचना प्रवाह गर्नेलाई कारबाहीको प्रक्रिया सुरु गरिएको जनाएको छ । मन्त्रालयका सहसचिव ऋषिराम तिवारीले त्यस्ता भ्रामक संदेश हटाउन समेत आग्रह गरेका छन् । त्यस्तै त्यस्ता संदेश पोस्ट गरेको , शेयर गरेको वा लाइक गरेको भए सो समेत हटाउन मन्त्रालयले आग्रह गरेको छ । 
