अमेरिकी राष्ट्रपति डोनाल्ड ट्रम्पले सामाजिक सञ्जाल ट्वीटरका प्रमुख कार्यकारी (सिइओ) ज्याक डोर्सिलाई आफ्ना फलोअर घटेकोबारे जिज्ञासा राखेका छन् । ट्रम्पले सिइओ डोर्सिलाई भेटेरै आफ्ना फलोअर घट्नुको कारणबारे सोधेका हुन् ।
जवाफमा डोर्सिले ट्वीटरले फेक अकाउन्ट हटाउने अभियान चलाईरहेकाले चर्चित व्यक्तिका फलोअर घटेको जवाफ दिएका थिए । ट्वीटरले आफूलाई पक्षपात गरेको आरोप लगाउँदै आएका ट्रम्पले डोर्सिसँग मंगलबार भेटपछि भेट राम्रो भएको भनेर ट्वीट गरेका छन् ।
ट्रम्पका फलोअरमध्ये हालसम्म २ लाख ४ हजार फलोअर घटेको जनाईएको छ ।