फेसबुकले गत अक्टोबरमा सार्वजनिक गरेको लाइट भर्सनको मेसेन्जर नेपालमा पनि उपलब्ध भएको छ। त्यो सयमा ५ देशका लागि मात्र सार्वजनिक गरिएको लाइट भर्सन हाल नेपाल लगायत अन्य १३२ देशमा थप गरिएको फेसबुकले जनाएको छ।
यस अघि यो यो सुविधा केन्या, मलेसिया, श्रीलंका, ट्युनेसिया र भेनेज्युलामा मात्र उपलब्ध थियो। ‘प्लेस्टोर’ बाट डाउनलोड गर्न सकिने मेसेन्जर लाइट पुरानो एन्ड्रोइड भर्सन र धेरै मेमोरी क्षमता नभएको स्मार्टफोनहरुकालागि लक्षित गरेर ल्याइएको फेसबुकले जनाएको छ। मेसेन्जर लाइट एपले मेसेन्जरको भन्दा कम डाटा खर्च गर्नुका साथै थोरै स्पेस ओगट्ने फेसबुकको दाबि छ।
