निजि क्षेत्रको दुर संचार सेवा प्रदायक कम्पनी ऐनसेलले आफ्नो निशुल्क फेसबुक सेवा बन्द गर्न लागेको बताएको छ । कम्पनीले निशुल्क फेसबुक सेवा यहि बैशाख १९ गते देखि बन्द हुने जनाएको हो ।
कम्पनीले गत फागुन ४ गते देखि फ्री फेसबुक सेवा सुरु गरेको थियो ।
यसैबीच एनसेलले 'नयाँ सापटी' योजना सुरु गरेको छ । जस अन्तर्गत एनसेलका प्रिपेड प्रयोगकर्ताले आफ्नो मेन ब्यालेन्स ५ रुपैयाँ वा सोभन्दा कम भएमा एनसेल सापटी सुविधामार्फत ३० रुपियाँको सापटी लिन सक्ने छन् ।
सापटी रकम ग्राहकको मुख्य ब्यालेन्समा जोडिनेछ र प्राप्त रकमबाट ग्राहकले कुनै पनि नेटर्वकमा कल गर्न, एसएमएस पठाउन, इन्टरनेट चलाउन तथा एनसेलको अन्य सेवाप्रयोग गर्न सक्ने एनसेलले जनाएको छ ।
यसरी लिईएको सापटी अर्को पटक रिचार्ज गर्दा काटिने छ भने यसमा पहिलेको जस्तो कुनै शुल्क लाग्ने छैन ।
यो योजना आज सोमबारदेखि जेठ १ सम्म लागु हुने एनसेलले जनाएको छ । यो सेवा लिनको लागि सिम कार्ड भने कम्तिमा ६० दिन प्रयोग भएको हुनु पर्ने छ ।
एस्ट्रिक्स ९९८८ ह्यास डायल गरि प्राप्त निर्देशनअनुसार प्रिपेड ग्राहकले यो सेवा सुचारु गर्न सक्नेछन् ।