पर्यटन बोर्डको प्रमुख कार्यकारी अधिकृत (सिइओ) नियुक्तिका लागि सरकारले आवेदन माग गरेको छ । बोर्डको नयाँ सीईओ नियुक्त गर्न बनेको उपसमितिले बुधबार एक सार्वजनिक सूचना जारी गर्दै आवेदन माग गरेको हो ।
२०७२ पुसमा सीईओ नियुक्त भएका दिपकराज जोशीको कार्यकाल सकिन लागेका कारण नयाँ सिइओ नियुक्तिका लागि आवेदन माग गरिएको उपसमितिले जनाएको छ । जोशीको ४ वर्षे कार्यकाल आगामी पुस ९ गते सकिँदैछ ।
बोर्डको सीईओ बन्न ३५ वर्ष पुरा भई ६० वर्ष उमेर ननाघेको हुनु पर्ने प्रावधान छ । उपसमितिले बुधबारबाट २१ दिनभित्र आवेदन दिन भनेको छ ।