पर्यटकीय क्षेत्रलाई थप व्यवस्थीत गर्न रोल्पाको एक गाउँपालिकाले पर्यटन गार्ड नियुक्त गरेको छ । जिल्लाको रुन्टीगढी गाउँपालिकाले १ महिला सहित ९ जना पर्यटन गार्ड नियुक्त गरेको हो । उनीहरुलाई पर्यटकीय क्षेत्रमा परिचालनका साथै गाउँपालिकाको सुरक्षा र विकास गतिविधिमा परिचालन गरिने गाउँपालिकाले जनाएको छ ।
हाल उनीहरुलाई तालिम दिइरहेको गाउँपालिकाले जनाएको छ । सुरक्षासंग सम्बन्धित सलामी, पिटी परेट, भिड नियन्त्रण, रेक्यू, विपद व्यवस्थान तथा उद्दार र सामान्य हतियार संचालन जस्ता तालिम दिइरहेको गाउँपालिका अध्यक्ष वालाराम वुढाले जानकारी दिए । '१ महिनसम्म संचालन हुने उक्त तालिममा पर्यटन गार्डको काम कर्तव्य र जिम्मेवारी जस्ता कुरा पनि सिकाईन्छ' अध्यक्ष वुढाले भने । स्थानीय सरकारले आवश्यकता महसुस गरेमा नगर प्रहरी राख्न सकिने कानूनी व्यवस्था भएकाले नगर प्रहरीलाई पर्यटन गार्डको रुपमा परिचालन गर्छौ अध्यक्ष वुढाले भने । कार्यालय संचालन, चेन अफ कमाण्ड लगायतका विषय समेत तालिममा समावेश गरेको उनले बताए । सुरक्षा सम्बन्धि तालिम नेपाल प्रहरीको सहयोगमा संचालन भईरहेको र अन्य विषयगत तालिम सम्बन्धित विज्ञवाट हुने गाउँपालिकाले जनाएको छ ।
पर्यटनका साथै उनीहरुले राजश्व संकलन, न्यायिक समितिलाई सहयोग,सरसफाई, र कार्यालय सुरक्षाको लागि उनीहरुलाई परिचालन गर्ने सोच वनाएको गाउँपालिकाका नायव सुव्वा दीपक डिसीले बताए । तालिम लिईरहेका उनीहरु मध्ये उत्कृष्टता हासिल गर्नेलाई प्रमुख नगर प्रहरी र अन्य ८ जनालाई नगर प्रहरीको रुपमा दरवन्दी सिर्जना गरिएको गाउपालिकाले जनाएकोछ । तेह्र हजार ५ सय तलव र २ हजार ५ सय भत्ता सहित मासिक रुपमा उनीहरुले १६ हजार सुविधा पाउने भएका छन । 'पोषाक भत्ता हरेक वर्ष उपलव्ध हुन्छ' नायव सुव्वा डिसीले भने । उनीहरुलाई संचार सेट, खुकुरी र लठ्ठीको सहायताले सुरक्षा दिने छन ।
नगद रुपैयाँ वोकेर सामाजिक सुरक्षा भत्ता वितरण गर्न जाँदा कर्मचारी नै असुरक्षित हुने गरेको गाउँपालिकाका लेखापाल गोपाल पोख्रेलको भनाई छ । नगद पैसाकै कारण कर्मचारी तथा जनप्रतिनिधिको ज्यान जोखिममा रहेको आफुहरुले महसुस गरेको पोख्रेलको भनाई छ । नगर प्रहरी भर्ना भए संगै त्यस्ता समस्यावाट मुक्त भएको पोख्रेल बताए ।
गाउँपालिकाको आन्तरिक श्रोतवाट व्यवस्थापन गर्ने गरि जिल्लामै पहिलो पटक सो गाउँपालिकाले यस्तो अवधारणा ल्याएको हो ।
