बहराइनका राजकुमार सेख मोहम्मद हमाद मोहम्मद अलको टोली मनास्लु हिमालको सफल आरोहण गरेको छ । टोलीले आज बिहान ७ बजार हिमालको सफल आरोहण गरेको पर्यटन विभागले जनाएको छ ।
विभागका अनुसारका राजकुमारको टोलीमा रहेका १४ जना र ३ जना गाइडले हिमाल आरोहण गरेका हुन् । यस अघि उनीहरुले कार्तिक ३ गते हिमाल आरोहण गर्ने योजना बनाए पनि मौसम सफा भएपछि सो अगाडी नै हिमाल चढेका हुन् ।
८ हजार १३० मिटर उचाईमा रहेको मनास्लु आरोहण पूर्व उनीहरुले सोलुखुम्बु जिल्लाको ६ हजार ११९ मिटर अग्लो लुबुचे हिमालको आरोहण गरेका थिए । ८ हजार मिटरभन्दा माथिको हिमाल आरोहण गर्दा साढे ५ हजारमाथिको हिमाल आरोहण गरेको हुनुपर्ने नियम अुनसार उक्त आरोहण गरिएको थियो ।
राजकुमार सेख मोहम्मतको हिमाल आरोहणका लागि सेभेन सम्मिट ट्रेक्स प्रालिले व्यवस्था मिलाएको थियो । उक्त ट्रेक्सले आरोहणका लागि ७५ भन्दा बढी शेर्पाहरुलाई खटाएको थियो ।