कीर्तिमानी आरोही कामीरिता शेर्पा सात दिनमा दुई पटक सगरमाथाको चुचुरोमा पुगेका छन् । जेठ १ गते २३ औँ पटक सगरमाथामा आरोहण गरेर विश्व किर्तिमान कायम गरेका शेर्पाले मंगलबार पनि चुचुरोमा पुगेर आफ्नै रेकर्ड तोडेका हुन् ।
उनी मंगलबार बिहान ६ः३० बजे नेपाली पट्टिको बाटो हुँदै चुचुरोमा पुगेका हुन् । आजको सफल आरोहणसँगै ४९ वर्षीय शेर्पाले २४ पटक सगरमाथाको चुचुरोमा पुग्ने संसारकै पहिलो आरोहीका रुपमा आफूलाई कायम गरेका छन् ।
सन् १९९४ मा पहिलोपटक सगरमाथाको चुचुरो पुगेका उनले २५ पटक सगरमाथाको सफल आरोहण गरेर विश्राम लिने बताएका छन् ।