मनाङमा पर्वतारोहण विद्यालय खुल्ने भएको छ । १२औँ सगरमाथा दिवसका अवसरमा उम होङ गिल फाउण्डेशन साउथ कोरिया र नेपाल पर्वतारोहण संघ (एनएमए)बीच हस्ताक्षर भएको हो । सम्झौतामा उम होङ गिल फाउण्डेशनको तर्फबाट उम होङ गिल र एनएमएका तर्फबाट अध्यक्ष शान्तवीर लामाले हस्ताक्षर गरे ।
यसैबीच सगरमाथा दिवसका अवसरमा राष्ट्रिय सगरमाथा पुरस्कारद्धारा उम होङ गिललाई सम्मानित गरिएको छ । उनलाई सञ्चार तथा सूचना प्रविधिमन्त्री गोकुलप्रसाद बास्कोटाले एक लाख नगदसहित सम्मान गरे ।
दिवसकै अवसरमा तेन्जिङ हिलारी पुरस्कारद्धारा अष्टेलियन नागरिक एन्थोनी गोडेल र नेपाली द्धय माया शेर्पा र ज्ञानेन्द्र कुमार श्रेष्ठलाई सम्मान गरिएको छ । उनीहरुले जनही ५०÷५० हजार पुरस्कार पाएका छन् ।
यसवर्ष हाम्रो प्राथमिकता, सफा सगरमाथा भन्ने नाराका साथ सगरमाथा दिवस मनाईएको छ ।
