संसदको अन्तराष्ट्रिय सम्बन्ध समितिले हवाई उडानमा स्वदेशी र विदेशी यात्रुलाई लिईने भाडादरमा एकरुपता कायम गर्न निर्देशन दिएको छ । समितिले आन्तरिक उडानमा विदेशी यात्रुलाई बढी भाडा लिने परम्पराले गलत सन्देश प्रवाह हुने भन्दै समान हवाई भाडा कायम गर्न निर्देशन दिएको हो ।
समिति सभापति पवित्रा निरौला खरेलका अनुसार समितिमा यसबारे भएको छलफलमा भाडादरमा एकरुपता कायम गर्नुपर्ने आवाज उठेपछि सरकारलाई तत्काल भाडादर समान बनाउन निर्देशन दिईएको हो । समिति सचिव सुरज कुमार दुराले नेपाल भ्रमण वर्ष २०२० मा नेपाल आउने विदेशी पर्यटकबाट नेपालको सकारात्मक प्रचार हुन सकोस् भनेर समितिले यस्तो निर्देशन दिएको हो ।
