टानमा खुम सुवेदीको एक वर्षे नेतृत्वः के के भए उपलब्धि ?

पदयात्रा व्यवसायीको छाता संगठन ट्रेकिङ एजेन्सिज् एशोसियसन अफ नेपाल (टान) मा नयाँ नेतृत्व आएको आज असोज २ गते एक वर्ष पूरा भएको छ । २०७६ भाद्र २० गते संघको ४१ औं वार्षिक साधारण सभा एवं निर्वाचनबाट खुम बहादुर सुवेदीको अध्यक्षमा चयन भएको वर्तमान कार्यसमितिले २०७६ असोज २ गते विधिवत रुपमा पदभार ग्रहण गरेको थियो । टानमा नयाँ नेतृत्व आएसँगै पदयात्रा व्यवसाय र अन्य पर्यटकीय गतिविधिका सम्बन्धमा धेरैले चासो राखेका थिए । 

तर, नयाँ नेतृत्वले ७ महिना काम गरेपछि कोरोना भाइरसको महामारी प्रवेश गर्यो । कोरोना भाइरसका कारण थलिएको पर्यटन क्षेत्र (विशेष गरी पदयात्रा) क्षेत्रलाई उकास्न र थलिएका पदयात्रा व्यवसायीको पुनरुत्थानका लागि टानले आफ्नो भूमीका निर्वाह गरिरहेकै देखिएको छ । 

आर्थिक वर्ष २०७७÷०७८ को बजेट आउने समयमा टानले विभिन्न निकायमा पुगेर आफ्ना मागहरु राखेको र फलस्वरुप धेरै माग सम्बोधन भएको टानका अध्यक्ष सुवेदीको दाबी छ । तर भ्रमण वर्ष २०२० का लागि भनेर थप लगानी गरेका व्यवसायी भने निकै मारमा परेको उनको भनाई छ । 

कोरोनाका कारण आफूहरुले घोषित कार्यक्रम पनि स्थगित गर्नुपरेकोमा भने उनलाई दुःख लागेको छ । उनले बाँकी कार्यकालमा समस्यहरुको हितलाई केन्द्रमा राखेर काम गर्दै जाने प्रतिवद्धता पनि जनाएका छन् ।

एक वर्षको कार्यकालमा सम्पन्न गरिएका महत्वपूर्ण कार्यक्रमहरु:

•पदयात्रा व्यवसायलाई चाहिने थप जनशक्तिको आवश्यकता अनुरुप महिला गाईड तालिम, पोटर ट्रेकिंग गाईड तालिम जस्ता कार्यक्रमहरुको आयोजना गर्दै नेपाल सरकारले आयोजना गरेका विभिन्न कार्यक्रमहरुमा सक्रिय सहभागिता जनायो ।