बहराइनका राजकुमार सहितको टोलीले लोबुचे हिमालको सफल आरोहण गरेको छ । आरोहणको व्यवस्थापनको जिम्मामा रहेको सेभेन समिट ट्रेकका अनुसार टोलीले ६ हजार ११९ मिटर उचाईको लोबुचे हिमालको सफल आरोहण गरेको हो ।
शनिबार बिहान ८ः५० बजे टोली चुचुरोमा पुगेको हो ।
हिमाल आरोहण गर्न बहराइनका राजकुमार सहितको टोली भदौ ३१ गते काठमाडौं आईपुगेको थियो । टोलीमा १५ जना बहराइन र ३ जना बेलायतका नागरिक छन् । अब टोलीले मनास्लु हिमाल आरोहण गर्नेछ । मनास्लुको आरोहण गर्नु अघि तयारीका रुपमा लोबुचेको आरोहण गराईएको हो ।