होटल एसोसियसन अफ नेपाल (हान)को अध्यक्षमा सिर्जना राणा सर्वसम्मत चयन भएकी छिन् । हानको साधारण सभाले अध्यक्षमा राणा र वरिष्ठ उपाध्यक्षमा विनायक शाहलाई सर्वसम्मत चयन गर्ने निर्णय गरेको हो ।
होटल संघको इतिहासमै पहिलोपटक महिला नेतृत्व आएको हो । अध्यक्षमा सर्वसम्मत चयन भएकी राणा काठमाडौंस्थित होटल अन्नपूर्णकी कार्यकारी निर्देशक हुन् । उनले पोखराको फिस्टेल लज र चितवनको जगतपुर लजसमेत संचालन गर्दै आएकी छिन् ।
यस अघि महासचिव रहेका विनायक शाह वरिष्ठ उपाध्यक्षमा सर्वसम्मत चयन भएका छन् । हानको साधारण सभा भने आज साँझ ५ बजे होटल सोल्टीमा आयोजना हुँदैन ।