आज आइतबार प्रधानमन्त्री केपी शर्मा ओलीले मन्त्रिपरिषद्को बैठक डाकेका छन्। प्रधानमन्त्रीले आफ्नै निवास बालुवाटारमा विहान ११ बजे बैठक बोलाएका हुन्।
बैठकमा प्रधानमन्त्रीले आफ्नो स्वास्थ्यको बारेमा मन्त्रीहरुलाई ब्रिफिङ गर्ने भएका छन् । यस अघि ओलीले शनिवार नेकपा सचिवालय बैठकमा स्वास्थ्यको बारेमा जानकारी दिदै मिर्गौलाले राम्रोसँग काम नगरेको र फोक्सोमा पानी जम्मा भएकाले समस्या भएको जानकारी दिएका थिए। ओलीले आफ्नो उपचारमा अबको विकल्प नियमित डायलासिस र प्रत्यारोपण मात्र भएको ब्रिफिङ गरेका थिए।
त्यस्तै आजको बैठकमा विकास निर्माणसम्बन्धी महत्वपूर्ण आयोजना सुरु गर्ने निर्णय हुन् सक्ने बताईएको छ । साथै सरकारको कामलाई प्रभावकारी गराउने विषयमा छलफल हुने र प्रधानमन्त्री ओलीले मन्त्रीहरुसंग गरेको कार्यसम्पादन सम्झौता र त्यसको प्रगतीको बारेमा पनि बैठकमा समिक्षा हुने स्रोतले जनाएको छ ।
आज नै उपनिर्वाचनको लागि उम्मेदवार चयन गर्ने विषयमा छलफलमा नेकपाको सचिवालय बैठक समेत डाकिएको छ ।