मन्त्रिपरिषद बैठकले प्रदेश प्रमुखको नियुक्तिको लागि राष्ट्रपति समक्ष नाम सिफारिस गरेको छ । सोमबार अपरान्ह बसेको बैठकले प्रदेश प्रमुख नियुक्तिको लागि राष्ट्रपति विद्यादेवी भण्डारी समक्ष नाम सिफारिस गरेको हो ।
जस अनुसार प्रदेश १ मा सोमनाथ अधिकारी प्यासी, प्रदेश २ मा तिलक परियार, प्रदेश ३ मा बिष्णु प्रसाई, गण्डकी प्रदेशमा अमिक शेरचन, प्रदेश ५ मा धर्मनाथ यादव, कर्णाली प्रदेशमा गोविन्द कलौनी र प्रदेश ७ मा शर्मिला त्रिपाठीको नाम सिफारिस भएको छ ।
मन्त्रिपरिषद्को बैठक अघि बसेको नेकपा सचिवालय बैठकले प्रदेश प्रमुखको नाम टुंगो लगाएको थियो। तर को कुन प्रदेशमा भन्ने बारे नेकपा बैठकले निर्णय गरेको थिएँन । राष्ट्रपतिले मन्त्रिपरिषद्को सिफारिसमा प्रदेश प्रमुख नियुक्त गर्ने र पदमुक्त गर्ने संवैधानिक ब्यबस्था छ ।
मन्त्रिपरिषद्को सिफारिसमा आइतबार सबै प्रदेश प्रमुख पदमुक्त भएका थिए ।
