कास्की क्षेत्र नम्बर २ मा हुने उपनिर्वाचनमा नेपाली काँग्रेसले खेमराज पौडेललाई टिकट दिएको छ । बुधबार बसेको काँग्रेस पदाधिकारी बैठकले ७४ वर्षीय पौडेललाई उठाउने निर्णय गरेको हो । यसअघि केन्द्रीय सदस्य धनराज गुरुङको चर्चा चलेपनि उनले आफू चुनाव नलड्ने भनेपछि पौडेलले टिकट पाएका हुन् ।
पौडेल हाल गणेशमान सिंह प्रतिष्ठान कास्कीको संयोजक पनि हुन् । उनी काँग्रेस विभाजन हुँदा शेरबहादुर देउवा नेतृत्वको काँग्रेस प्रजातान्त्रिक कास्कीको सभापति भएका थिए ।
निर्वाचन आयोगले आगामी मंसिर १४ गते उपनिर्वाचन गर्दैछ ।
