रौतहटको मठिया प्रहरी चौकीमा बम विस्फोट भएको छ । इसनाथ नगरपालिकास्थित चौकीमा बम विस्फोट हुँदा १ जना प्रहरी जवान घाइते भएका छन् । बम प्रहार गरेको आरोपमा प्रहरीले एक जना भारतीय नागरिकलाई पक्राउ गरेको छ ।
रौतहट प्रहरीका हवल्दार रोजिना तामाका अनुसार भारतीय नम्बर प्लेटको मोटरसाइकलमा दुई जना भारतीय नागरिक आएको र मठिया प्रहरी चौकीमा रहेका सेन्ट्रिलाई लक्षित गरी सुतली बम प्रहार गरेका हुन् ।