प्रधानमन्त्री केपी शर्मा ओलीले आजै मन्त्रिपरिषद् विस्तार गर्ने भएका छन् । चार मन्त्री हट्ने र केहीको जिम्मेवारी हेरफेर हुने पक्का भएको छ । नेकपा सचिवालयको बैठक जारी छ । उच्च स्रोतले दिएको जानकारी अनुसार तत्कालिन माओवादी केन्द्रबाट मन्त्री बनेका कृषिमन्त्री चत्रपाणि खनाल, उद्योगमन्त्री मात्रिका यादव र कृषि राज्यमन्त्री रामकुमारी चौधरी हट्ने पक्का भएको छ ।
तत्कालिन एमालेबाट महिला बालबालिकामन्त्री भएकी थममाया थापा पनि हट्ने पक्का भएपनि सामान्य प्रशासनमन्त्री लालबाबु पण्डित र श्रममन्त्री गोकर्ण विष्टमध्ये एक मन्त्री हट्न सक्ने बताईएको छ । तर अन्तिम टुंगो भने लागिसकेको छैन ।