गृह मन्त्रालयले मङ्सिर २६ गते बिहिबार सार्वजनिक विदा नभएको स्पष्ट पारेको छ । मन्त्रालयका उपसचिव उमाकान्त अधिकारीले बिहिबार परेको पर्व मनाउने समुदायलाई मात्र विदा हुने र अन्यलाई विदा नभएको बताएका हुन् । बिहिबार किराँत जातिको उभौली पर्व, नेवार समुदायको योमरी पुर्णिमा र ज्यापू दिवस रहेको छ । यी पर्व मनाउनेको लागि विदा भएको र अन्यलाई बिदा नभएको उपसचिव अधिकारीले बताएका हुन् ।
नेपाल राजपत्रमा पनि मङ्सिर २६ गते बिहिबार को दिनलाई 'सम्बन्धित धर्म, संस्कृति, भौगोलिक क्षेत्र, स्थान विशेषका लागि मात्र सार्वजनिक विदा हुने' अन्तर्गतमा उल्लेख गरिएको छ ।
उपसचिव अधिकारीले सबैलाई सार्वजनिक विदा दिने सम्बन्धमा कुनै निर्णय नभएको स्पष्ट पारेका हुन् ।