पश्चिमी न्यून चापीय वायुको प्रभावले देशक विभिन्न स्थान हिमपात हुँदा काठमाडौँ नजिकको चन्द्रागिरीमा पनि हिउँ परेको छ । शुक्रबार बिहान चन्द्रागिरीमा हिउँ परेको हो । बिहान हलुका हिउँ परेको तर बेलुकासम्म बाक्लो र धेरै हिउँ पर्ने अनुमान गरिएको चन्द्रागिरी हिल्स लिमिटेडले जनाएको छ ।
जल तथा मौसम विज्ञान विभागले देशभर पूर्ण बदली भई उच्च पहाडी र हिमाली भू–भागमा हिमपात भएको जनाएको छ । महाशाखका अनुसार हुम्ला, डोल्पा, मुगु, जाजरकोट, मुस्ताङ लगायतको उच्च पहाडी तथा हिमाली जिल्लामा हिमपातसँगै जनजीवन प्रभावित भएको छ । बुधबार साँझ नेपाल प्रवेश गरेको पश्चिमी वायुको प्रभावले देशभर चिसो बढेको छ । जल तथा मौसम विज्ञान विभागले पश्चिमी उच्च पहाडी र हिमाली भू–भागमा भारी हिमपातको सम्भावना रहेकाले विशेष सतर्कता अपनाउन आग्रह गरेको छ ।
यसका साथै आज काठमाडौँ उपत्यकासहित देशको पश्चिमी पहाडी भू–भागका केही स्थानमा हल्का वर्षा हुने विभागले जनाएको छ ।
हेर्नुस चन्द्रागिरीमा परेको हिउँ :