सत्तारुढ दल नेपाल कम्युनिष्ट पार्टी (नेकपा) नेता भीम रावलले आफ्नो भू–भाग समेटेर नक्सा तयार गर्न सरकारलाई कसले रोक्यो भन्दै प्रश्न गरेका छन् । संसदको अन्तर्राष्ट्रिय सम्बन्ध समितिको बैठकमा उनले प्रतीक चिन्हमा समेत सबै नेपाली भूमी नसमेटिएको भन्दै प्रतीक चिन्ह बनाउनेलाई समेत कारबाही गर्न माग गरे ।
‘प्रतीक चिन्हमा हाम्रो भूभाग किन नराखेको ? प्रतीक चिन्हका निर्माता को हुन् ? छानविन गरेर कारवाही गर्नु पर्छ ?’ उनले भने । गृहमन्त्री रामबहादुर थापा र भूमिव्यवस्था मन्त्री पद्मा अर्याल समेत सहभागी बैठकमा रावलले सोधे, ‘भारतले आफ्नो नक्सा सार्वजनिक गर्दा हामीले चाहिँ किन नगरेको ?, आफ्नो जमिन राखेर नक्सा बनाउन सरकारलाई कसले रोक्यो ?’