त्रिभुवन विमानस्थल एयर ट्राफिक कन्ट्रोलरले सबै विमानहरु टावरसँगको सम्पर्क मै रहेको जनाएको छ । मकवानपुरमा विमान दूर्घटना भएको हल्ला सामाजिक संजालमा फैलिएपछि विमानस्थलले आफ्ना सबै विमान सम्पक मै रहेको र दुर्घटनाको कुनै जानकारी नआएको बताएको हो ।
मकवानपुरको बकैया र मकवानपुरगढी गाउँपालिकाको सीमानामा धुवाको मुस्लो देखिएपछि स्थानीयले प्रहरीलाई खबर गरेका थिए । घटनाको जानकारी पाएपछि इलाका प्रहरी कार्यालय ठिंगन र चौघडा प्रहरी चौकीबाट प्रहरी घटनास्थलतर्फ गएको छ । त्यस स्थानमा पैदल नै जानु पर्ने र त्यहाँ पुग्न करिब ३ घण्टा लाग्ने भएकोले के कारणले धुवाको मुस्लो देखिएको हो, अहिले नै भन्न नसकिने प्रहरीले जनाएको छ ।
