विहिबार राजधानीका विभिन्न स्थानमा ६ घण्टा बत्ति नआउने भएको छ । नेपाल विद्युत प्राधिकरणले बिहिबार बालाजु सब-स्टेसनमा नयाँ ट्रान्सफर्मर जडान गर्ने भएकोले ६ घण्टासम्म बत्ति नआउने जनाएको हो ।
प्राधिकरणले ६६/११ के भी २२.५ एमभीए क्षमताको नयाँ ट्रान्सफर्मर जडान गर्न लागेको हो । ट्रान्सफर्मर जडान गर्न लागिएकोले बालाजु सब-स्टेसनबाट वितरण हुने विजुलीको आपूर्ति बिहान ११:३० देखी १५:३० बजेसम्म अवरोध हुने प्राधिकरणले जनाएको छ ।
प्राधिकरणका अनुसार बिआड़ी -१ , बिआड़ी -२, ढुंगेधारा, महाराजगंज-२, नयाँ बजार र धर्मस्थली फिडरबाट त्यस समयमा विजुली आपूर्ति हुने छैन।ट्रान्सफर्मर जडान कार्य निर्धारित समय अगावै सम्पन्न भएमा सो समय भन्दा अगावै लाइन सुचारु हुने प्राधिकरणले जनाएको छ ।
