पृथ्वीनारायण शाहको २९७ औं जन्मजयन्तीका अवसरमा पुस २७ गते गोरखाका ४ स्थानीय तहले सार्वजनिक बिदा दिएका छन् । गोरखा नगरपालिका, पालुङटार नगरपालिका, भीमसेन थापा गाउँपालिका र सिरानचोक गाउँपालिकाले पृथ्वी जयन्तीमा सार्वजनिक बिदा दिने निर्णय गरेका छन् ।
पृथ्वीनारायण शाहले नेपाल एकीकरण गरेको सम्मानमा बिदा दिने निर्णय गरिएको स्थानीय तहहरुले जनाएका छन् ।
हरेक वर्षको पौष २७ गते पृथ्वी जयन्तीमा सरकारले राष्ट्रिय एकता दिवसका रुपमा बिदा दिँदै आएको थियो । तर २०६२÷६३ को जनआन्दोलनपछि पृथ्वी जयन्तीको बिदा कटौती गरिएको थियो ।