संसदको विकास तथा प्रविधि समितिले पुरानो संसद भवन भत्काउन निर्देशन दिएको छ । आज शहरी विकास मन्त्रालय, राष्ट्रिय पुनर्निर्माण प्राधिकरणलगायत सरोकारवालासँगको छलफलपछि समितिले देशकै पहिलो उक्त संसद भवन भत्काएर नयाँ बनाउन निर्देशन दिएको हो ।
भूकम्पपछि प्लास्टिकले छोपेर राखिएको भवन हालकै अवस्थामा राखेर प्रयोग गर्न नसकिने भन्दै मौलिकता कायम राखेर नयाँ भवन बनाउन निर्देशन दिईएको समिति सभापति कल्याणी खड्काले बताइन् ।