सशस्त्र प्रहरीले उत्तरी सीमामा पहिलो बोडर आउट पोष्ट (बीओपी) स्थापना गरेको छ । संखुवासभाको भोटखोला गाउँपालिका–१ स्थित किमाथाङ्कामा सशस्त्रले बीओपी राखेको हो ।
पूर्व क्षेत्र सशस्त्र प्रहरी बल मुख्यालय १ नम्बर बराह बाहिनीका बाहिनीपति सशस्त्र प्रहरी नायब महानिरीक्षक नगेन्द्रबहादुर थापा र संखुवासभाका प्रमुख जिल्ला अधिकारी जीवन प्रसाद दुलालले मंगलबार बीओपी उद्घाटन गरे ।
जिल्ला सदरमुकाम खाँदबारीबाट १ सय १० किलमिटर टाढा र नेपाल–चीन सीमाबाट १ किलोमिटर नजिक बीओपी राखिएको छ । योसँगै सशस्त्र प्रहरीको बीओपी संख्या ११२ पुगेको छ ।
