आत्महत्या दुरुत्साहनको अभियोगमा मुद्धा खेपिरहेका टेलिभिजन प्रस्तोता रवी लामिछानेले सफाई पाएका छन् । जिल्ला अदालत चितवनले अन्तिम फैसला सुनाउदै रवी लामिछाने, युवराज कँडेल र अस्मिता कार्कीलाई सफाई दिएको हो । न्यायधीश हेमन्त रावलको एकल इजलाशले अभियोग दाबी नपुग्ने भन्दै सबैलाई सफाई दिने आदेश गरेको हो ।
यस अघि चितवन जिल्ला अदालतले रवीलाई ५ लाख धरौटीमा रिहा गरेको थियो । पत्रकार शालिकराम पुडासैनीले आत्महत्या गर्नु अघि रविका कारण आफु आत्महत्या गर्न वाध्य भएको भन्दै बनाएको भिडियो सार्वजनिक भएपछि रवी अहिले आत्महत्या दुरुत्साहनको अभियोगमा मुद्धा खेपिरहेका थिए ।
जिल्ला अदालत चितवनले अन्तिम फैसला गरेपछि उच्चा अदालत पाटनको हेटौडा इजलाशमा भने यो मुद्द अझै चलिरहेको छ ।