नेपालमा अघिल्लो बर्षको तुलनामा यो बर्ष भ्रष्ट्राचार घटेको पाईएको छ । ट्रान्सपरेन्सी इन्टरनेसनल (टिआई)ले जारी गरेको भ्रष्टाचार अवधारणा सूचांक २०१९ मा नेपालले ३४ अंक पाएको छ । नेपाल ३४ अंक सहित कम भ्रष्ट्राचार हुने देशको ११३ औं स्थानमा रहेको छ।
गत बर्ष नेपाल यो सुचीमा ३१ अंक पाएर १२४ औं स्थानमा थियो । अर्थात् नेपालले एक बर्षको अवधिमा ११ स्थान सुधार गरेको हो । यद्यपि, भ्रष्टाचार व्याप्त मुलुकको श्रेणीमा भने नेपाल अझै कायमै छ ।
यस बर्ष डेनमार्क सबै भन्दा कम भ्रष्टाचार हुने मुलक बनेको छ । डेनमार्कले कुल १०० मा ८७ अङ्क प्राप्त गरेको छ । सोमालिया भने सयमा ९ अङ्क प्राप्त गरी सबैभन्दा बढी भ्रष्टाचार हुने मुलुक बनेको छ ।
१८० देशमा १३ अन्तर्राष्ट्रिय संस्थाहरूद्वारा सम्पन्न गरिएका विभिन्न सर्वेक्षणको आधारमा यो सूचांक तयार पारिएको हो ।