प्रतिनिधि सभाको सभामुखको उम्मेदवार अग्नि सापकोटा बिरुद्द सर्वोच्च अदालतमा रिट दायर भएको छ । वरिष्ठ अधिवक्ता दिनेश त्रिपाठीले शुक्रबार रिट दायर गरेका हुन् ।
रिटमा त्रिपाठीले सापकोटा बिरुद्द हत्या अभियोग लागेकोले उनलाई तत्काल पक्राउ गरी अनुसन्धान थाल्न माग गरेका छन् । मुद्दाको पेशी आइतबार ११ बजेलाई तोकिएको छ । प्रतिनिधिसभामा माघ १२ गते आइतबार सभामुखको निर्वाचन हुदै छ । निर्वाचनमा सापकोटा एक्ला उम्मेदवार हुन् । अर्थात् निर्वाचनपछि उनी सभामुख चयन हुने निश्चित जस्तै छ । तर रिट दायरका अधिबक्ता त्रिपाठी भन्छन् ' आइतबार सभामुखको चुनाव भएपनि अदालतले आदेश दियो भने निर्वाचन नै बदर हुन्छ' ।
काभ्रेका अर्जुन लामाको हत्या गरेको अभियोगमा सापकोटाविरुद्ध सर्वोच्च अदालतमा अर्को मुद्दा पनि विचाराधीन छ ।
