काठमाडौँ महानगरपालिकाले ३ हजार ३ सय अवैध होडिङबोर्ड हटाएको छ । महानगरले त्रिपुरेश्वर देखि महाराजगञ्ज, माईतिघर देखि बिजुलिबजार, त्रिपुरेश्वर देखि थापाथली र त्रिपुरेश्वर देखि सोल्टिमोड सम्मका होडिङ बोर्ड हटाईएको जनाएको छ । हाल माहानगरले तिलगंगा देखि मिनभवन हुँदै बानेश्वर सम्मको बोर्ड हटाउने काम जारी रहेको जनाएको छ ।
माहानगरबाट ५ टोली होर्डिङ बोर्ड हटाउन खटिएका छन् । टोलिले दैनिक २५० वटा बोर्ड हटाउने गरेका छन । काठमाडौँमा अधिकतम ३ फिट उचाई तथा ३० वर्ग फिट भन्दा ठुला बोर्ड राख्न नपाइने प्रावधान छ ।
महानगरले गत पौष ११ गतेदेखि महानगरभित्र नियमविपरित रहेका बोर्डहरु हटाउने काम थालेको थियो ।