चेक बाउन्स गर्ने एक जनालाई प्रहरीले पक्राउ गरेको छ । पक्राउ पर्नेमा काठमाण्डौं तारकेश्वर घर भएका ५४ बर्षिय राजेन्द्र बुढाथोकि रहेका छन् ।उनलाई केन्द्रीय अनुसन्धान ब्युरो महाराजगंजबाट खटिएका टोलीले सोमबार पक्राउ गरेको हो ।
राजेन्द्रले मधु बुढाथोकीको पाँच लाख रुपयाँ सापटि लगेको र फिर्ता नदिएको प्रहरीले जनाएको छ । प्रहरीका अनुसार राजेन्द्रले मधुलाई भुक्तानी लिनु भनी चेक दिएको तर उक्त चेक सटही नभएपछि मधुले जाहेरी दिएकी थिईन ।
उक्त जाहेरीको आधारमा उच्च अदालत पाटनले राजेन्द्रलाई पक्राउ गर्न आदेश दिएपछि उनी लुकीछिपी बस्दै आएका थिए ।
