काठमाडौँको महाराजगंज वितरण केन्द्रबाट वितरण हुने क्षेत्रमा शनिबार विद्युत आपूर्ती बन्द हुने भएको छ । नेपाल विद्युत प्राधिकरणले धापासी फिडरबाट वितरीत लाइन भएको क्षेत्रमा चक्रपथ विस्तारको लागी नेपाल वन निगम लिमिटेडले रुख कटान गर्ने भएकाले शनिबार विहान ७ बजेबाट ४ बजेसम्म विद्युत आपूर्ती बन्द हुने जनाएको छ ।
उक्त फिडर अन्तर्गत वसुन्धारा, सामाखुशी चोक, रानीबारी, गोंगबु चोक, टोखा रोड हुँदै ग्राण्डी अस्पताल लगायतका क्षेत्रमा यसको असर पर्ने प्राधिकरणले जनाएको छ । तर रुख कटानको काम चाँडै सकिएमा बेलुका ४ बजेभन्दा अगाडी नै विद्युत आपूर्ती सूचारु हुनेछ ।