सत्तारुढ दल नेपाल कम्युनिष्ट पार्टी (नेकपा)ले मिलिनियम च्यालेन्ज कर्पोरेशन (एमसीसी)बारे अध्ययन गर्न बनाएको कार्यदलले समयसिमा भित्र प्रतिवेदन बुझाउन नसक्ने भएको छ । नेकपाका बरिष्ठ नेता एवम् पूर्वप्रधानमन्त्री झलनाथ खनाल संयोजक रहेको अध्ययन कार्यदलले तोकिएको समयभित्र प्रतिवेदन बुझाउन नसक्ने भएपछि पार्टी नेतृत्वसँग समय थप गर्न आग्रह गरेको छ ।
कार्यदलले १० दिन भित्र अध्ययन गरिएपनि प्रतिवेदन लेख्न नभ्याएको भन्दै म्याद थपका लागि पार्टी सचिवालयसँग आग्रह गर्ने भएको हो । मंगलबार सिंहदरबारमा बसेको तीन सदस्यीय कार्यदलको बैठकले म्याद थपका लागि सचिवालयसँग आग्रह गर्ने निर्णय गरेको हो । कार्यदलमा झलनाथ खनाल, भीम रावल र परराष्ट्रमन्त्री समेत रहेका प्रदीप ज्ञवाली सदस्य छन् । कार्यदलले पाएको समयसीमा बुधबार सकिँदैछ ।