पूर्वी नवलपरासीको बुलिङटार गाउँपालिका–३ छरछरेमा ट्याक्टर दुर्घटना हुँदा ४ जनाको मृत्यु भएको छ । दुर्घटनामा परी अन्य आठ जना घाइते भएका छन् ।
मृत्यु हुनेमा बुलिङटार गाउँपालिका ३ का २२ वर्षीय नरबहादुर सुस्लिङ्ग, बुलिङ्गटार ३ का ५९ वर्षीय यमान सिंङ सुस्लिङ, ४० वर्षीय पूर्णबहादुर थापा, २५ वर्षीय लिलाबहादुर सारु छन् ।
घाइतेमध्ये ट्याक्टर चालक बलबहादुर झेडी मगरको अवस्था गम्भीर छ । घाइतेहरुको पुरानो मेडिकल कलेज चितवनमा उपचार भइरहेको छ ।